ФИФА Бразилия термаси ҳужумчиси Неймарнинг Америка Кубогидаги 4 ўйинлик дисквалификацияси миллий терма жамоа иштирок этадиган барча турнирлар учун амал қилишини эълон қилди, деб хабар беради «Sports.ru».
Эндиликда Бразилия терма жамоаси Америка Кубоги финалига чиқа олмаса, пентакампеонлар сардори октябрда бошланадиган ЖЧ—2018 саралаш ўйинларини ўтказиб юборади.
Эслатиб ўтамиз, Америка Кубоги гуруҳ босқичининг сўнгги туридаги Венесуэла билан баҳсда Неймар 4 ўйинлик дисквалификациясининг биттасини ўтаб бўлганди. Бразилия турнирнинг чорак финалида Парагвай билан ўйнайди.
Бразилия футбол конфедерацияси Неймар қолган дисквалификациясини 2016 йилда АҚШда ўтказиладиган America Gold Cup турнири ёки 2019 йилда Бразилияда бўлиб ўтадиган навбатдаги Америка Кубогида ўташи учун ҳаракат қилади.
Изоҳ (0)