Россия футбол иттифоқи ўз васийларидан бири бизнесмен Алишер Усмоновга мурожаат қилиб, 300 миллион рубллик қарздан воз кечишни сўради, дея хабар бермоқда «РБК». Ушбу маблағни иттифоқ Россия термаси мураббийи Фабио Капелло олдидаги қарзни тўлаш учун олган эди.
«Алишер Бурхонович шундай марҳаматли одамки, қарздан воз кечиши ҳам мумкин. Бироқ ҳозирча саволимизга жавоб олмадик», — деди РФИ президенти вазифасини бажарувчи Никита Симонян матбуот анжуманида.
Эслатиб ўтамиз, бизнесмен Алишер Усмонов Россия футбол иттифоқига Россия термаси бош мураббийи Фабио Капелло билан ҳисоб-китоб қилишга ёрдам бериш мақсадида 300 миллион рубль ажратиши хабар берилган эди. 2015 йил февралида Усмонов РФИга 400 миллион рубллик кредит тақдим этган эди. Алишер Усмонов РФИга тақдим этадиган жами сумма РФИнинг мураббий олдидаги бугунги кунгача бўлган қарзларини ёпади.
Изоҳ (0)