Google компанияси асосчиларидан бири Сергей Брин ва 23andMe хусусий биотехнология компанияси бош директории Анне Войжицки саккиз йиллик никоҳдан сўнг ажрашишди. Wopular нашри хабарига кўра, Санта-Клара округ суди уларнинг ажрими май ойида ма’қуллаган, бироқ бу ҳақда энди маълум бўлди.
ОАВ маълумотларига кўра, Брин ҳозирги вақтда ClearAccessIP патент компанияси асосчиси ҳисобланган Никол Шанахан билан учрашмоқда. Жуфтлик 2015 йил ёзи ўрталарида Ямайкада тўй қилишни режалаштирмоқда.
Войжицки ва Брин ўртасида никоҳ шартномаси имзоланган бўлиб, ажрим Google’га сезиларли таъсир қилмаслиги кутилмоқда. Бироқ, ажрашувдан сўнг Брин жаҳоннинг энг бадавлат одамлари рейтингида сезиларли шўнғиши тахмин қилинмоқда. 2015 йилда унинг бойлиги қарийб 30 миллиард долларга баҳоланган эди.
Амалда Брин ва Войжицки жуфтлиги 2013 йилда ажрашиб бўлганди. Ўшанда Брин Google Glass бўлинмасида ишловчи Аманда Розенберг билан учрашаётганини тан олганди. Кейинроқ бу алоқалар ҳам узилди, бироқ Google асосчиси хотинига қайтмади. У ҳали ҳам собиқ турмуш ўртоғи билан фарзандлари билан бирга қўшни бўлиб яшамоқда, болаларни биргаликда тарбиялашмоқда.
Сергей Брин Москвада туғилиб, ота-онаси билан АҚШга кўчиб ўтган америкалик ишбилармон ва кашфиётчидир. 1995 йил мартида у Google компаниясига асосан солган, бу компаниянинг бозор қиймати 2014 йил декабрида бутун Россия қимматли қоғозлар бозори нархидан ҳам ошиб кетди.
Изоҳ (0)