НЬю-Йорк федерал суди 23 июнь, сешанба куни Blackshades хавфли вируси яратувчиси — швециялик 25 ёшли Алекс Юселни тўрт йил-у тўққиз ойлик қамоққа ҳукм қилди, дея хабар бермоқда «ТАСС».
Ушбу вирус билан дунёнинг 100 дан ортиқ мамлакатидаги 500 мингта компютер зарарланган. Юселга, шунингдек 200 минг доллар миқдорида жарима тўлаш юклатилди.
Эълон қилинган айбловга кўра, Юсел вирусни сотиш билан шуғулланган Blackshades номли ташкилотга раҳбарлик қилган, у шу йўл орқали 350 минг доллар ишлаб топган.
Blackshades дастурини сотиб олиб, дунёнинг исталган бурчагида кибержиноятчига айланиш мумкин бўлган. Blackshades фойдаланувчиларга узоқдан туриб ҳар қандай кишининг компютеридаги маълумотларни: шахсий суратлар, ҳужжатлар ва ҳатто онлайн паролларини қўлга киритишига имкон берган.
Изоҳ (0)