«Реал» ҳужумчиси Криштиану Роналду клуб президенти Флорентино Переснинг Икер Касильяс ва Серхио Рамосга нисбатан муносабатидан норози, деб хабар қилади «Корреспондент».
Дарвозабон ва ҳимоячи «Сантьяго Бернабеу»да тегишлича, 16 ва 10 йил ўтказган. Аммо бу футболчиларнинг содиқлиги учун тақдирлаш ўрнига мавсумлар оралиғида уларга чиқиш эшиклари кўрсатилиши мумкин. Криштиану Роналду вақт ўтиши билан Перес у билан ҳам шундай йўл тутишидан хавотирланмоқда.
Бундан ташқари, Роналду жамоанинг янги бош мураббийи Рафаэль Бенитес уни марказий ҳужумчи ўрнида ўйнатмоқчи эканлигидан матбуот ва ижтимоий тармоқлар орқали хабар топганидан ҳам норози бўлмоқда. Бироқ испан мутахассиси Гарет Бэйл кейинги мавсумда қайси чизиқда ўйнашини муҳокама қилиш учун Кардиффга шахсан ташриф буюрганди.
Эслатиб ўтамиз, Роналду ва «Реал» ўртасидаги низоларни «ПСЖ» зимдан кузатиб бормоқда. Парижликлар имкон бўлди дегунча португалиялик тўпурарни ўз таркибига қўшиб олмоқчи.
Изоҳ (0)