КХДР Марказий телеграф агентлиги (КМТА) Шимолий Кореянинг «Кимдан-2» дориси Эбола безгаги, Яқин Шарқ респиратор синдроми (MERS) коронавируси ва ОИТСдан қутқариши ҳақида хабар берди. Маълумот КМТА сайтида келтирилади.
«SARS (атипик зотилжам), Эбола ва MERS каби ҳалокатли вирусли инфекциялар иммун тизимига алоқадор, ва шу туфайли уларни иммунитетни тикловчи ‘Кимдан-2’ билан осонгина даволаш мумкин», — дейилади агентлик сайтида.
Таъкидланишича, тиббий дори воситаси женьшень ва ноёб микроэлементлардан таркиб топган.
Associated Press эслатишича, 2006 ва 2013 йилларда парранда гриппи авж олганида ҳам Шимолий Корея ушбу дорини реклама қилган эди.
Изоҳ (0)