Таниқли қўшиқчи Жанна Фриске 41 ёшида вафот этди, дея хабар бермоқда ТАСС унинг отаси Владимир Фрискега таяниб.
«Жанна оламдан ўтди, бу ҳақиқат, — деди у. — Бу 15 июнь куни кечки тўққизда содир бўлди». Видолашув жойи ва вақти ҳақида хабар берилганича йўқ.
Хонанда 2013 йилдан буён бош мия саратони билан курашиб келаётган эди. Аввалроқ Фриске фуқаролик никоҳидаги эри Дмитрий Шепелёв билан онкологик хасталар учун фонд ташкил қилмоқчи эканлиги хабар берилган эди.
Фриске 1996 йил «Блестящие» гуруҳи таркибида ижод қилишни бошлагач, кенг танилган. 2003 йилда эса у яккахон тарзда хонандалик қилишга ўтган. Бундан ташқари, Жанна бир қатор фильмларда роллар ижро этган.
2013 йил апрелида қўшиқчи ўғил кўрган ва унга Платон деб исм қўйган эди.
Изоҳ (0)