Taniqli qo‘shiqchi Janna Friske 41 yoshida vafot etdi, deya xabar bermoqda “TASS” uning otasi Vladimir Friskega tayanib.
“Janna olamdan o‘tdi, bu haqiqat, — dedi u. — Bu 15-iyun kuni kechki to‘qqizda sodir bo‘ldi”. Vidolashuv joyi va vaqti haqida xabar berilganicha yo‘q.
Xonanda 2013-yildan buyon bosh miya saratoni bilan kurashib kelayotgan edi. Avvalroq Friske fuqarolik nikohidagi eri Dmitriy Shepelyov bilan onkologik xastalar uchun fond tashkil qilmoqchi ekanligi xabar berilgan edi.
Friske 1996-yil “Blestyashchiye” guruhi tarkibida ijod qilishni boshlagach, keng tanilgan. 2003-yilda esa u yakkaxon tarzda xonandalik qilishga o‘tgan. Bundan tashqari, Janna bir qator filmlarda rollar ijro etgan.
2013-yil aprelida qo‘shiqchi o‘g‘il ko‘rgan va unga Platon deb ism qo‘ygan edi.
Izoh (0)