2009 йилдан қурилиши бошланган намунавий лойиҳалар асосидаги уй-жойлар қишлоқлар кўркига кўрк қўшиб, халқ фаровонлигини юксалтиришга хизмат қилмоқда, деб хабар беради ЎзА.
Ўтган йиллар давомида Жиззах вилоятида 2 минг 292 оила намунавий лойиҳадаги замонавий уйларга кўчиб ўтди. Бу йил уларнинг сони яна 690 га кўпаяди.
– Ўтган йили тумандаги намунавий уйлар барпо этилган бешта массивда 242 уй тўйлари ўтказилди, – дейди «Нуроний» жамғармаси Жиззах тумани бўлими раиси Карим Соатов. – Элимизнинг удумига кўра, бу тўйларда нуронийлар янги хонадон соҳибларининг шу ерда «палак ёйишини», юртимизга тинчлик-осойишталик тилаб дуо қилишди. Бу йил насиб қилса, ўтган йилгидан ҳам кўпроқ – 323 янги уй қурилади. Ҳозир иш қизғин кетмоқда. Демак, яна шунча уй тўйлари бўлади.
Изоҳ (0)