Олий таълим муассасалари бакалавриатига қабул қилиш учун тест синовлари Ўзбекистон Республикаси Адлия вазирлигида 2011 йил 8 июлда 2242-сон билан рўйхатдан ўтказилган «Ўзбекистон Республикаси олий таълим муассасаларининг бакалавриатига талабаларни қабул қилишда тест синовларини ўтказиш тўғрисида»ги Низом асосида ўтказилади, деб хабар бермоқда «Даракчи» газетаси.
Мазкур Низомга 2014 йил 15 августда 2242-1-сон билан ўзгартириш киритилган. Жумладан, жавоблар варақасига айрим ўзгартиришлар киритилди. Жавоблар варақасида абитуриент титул варақасидан кўчириши лозим бўлган таълим муассасаси коди, танлов коди олиб ташланди ва фақат махсус код қолдирилди.
Бундан ташқари фан блоклари олиб ташланиб, кетма-кет 1 дан 108 гача рақамланди (саволлар китобида ҳам 1 дан 108 гача рақамланади). Абитуриент ҳақидаги маълумотлар (фамилияси, исми, отасининг исми, таълим муассасаси, ихтисослик, имзо) 1-бетга кўчирилди.
Изоҳ (0)