Россия газини Европага етказиб бериш учун хизмат қиладиган «Турк оқими» газ қувурини Австриянинг OMV компанияси қуради. Бу ҳақда RBC.ru хабар бермоқда.
Die Presse нашрининг ўз манбаларига асосланиб хабар беришича, лойиҳага Nabucco’нинг собиқ раҳбари Райнхард Мичек раҳбарлик қилади. OMV матбуот хизмати вакили бу борада изоҳ беришдан бош тортди.
Марказий Осиё газини Россияни айланиб ўтган ҳолда Европага етказиб беришни кўзда тутган Nabucco лойиҳаси 2009 йили бошланган ва қувур 2014 йилда қуриб битказилиши керак эди, бироқ молиялаштириш ишларининг кечиккани, шунингдек, газ етказиб бериш бўйича кафолатларнинг йўқлиги сабаб, лойиҳа 2013 йилда асосий акциядор – OMV томонидан бекор қилинганди.
«Ҳозирги вақтда «янги Nabucco» устида иш олиб борилмоқда, бироқ унинг битта фарқи бор: Каспийбўйи гази ўрнига бу қувурдан Россия, эҳтимол, Эрон гази ўтади», - дея қайд этмоқда Die Presse.
OMV – Австрия нефть ва газ концерни бўлиб, олти асосий минтақа – Марказий ва Шарқий Европа, Шимолий Африка, Шимоли-Ғарбий Европа, Яқин Шарқ ва Австралия-Янги Зеландиянинг 20 мамлакатида углеводородларни разведка қилиш ва қазиб олиш бўйича барқарор халқаро мулкларга эга.
Изоҳ (0)