Англиялик ўқувчи экзосайёрани кашф этган энг ёш инсонга айланди

Англиялик ўқувчи Том Вэгг экзосайёрани кашф этган айни вақтдаги энг ёш инсон бўлди, дея хабар бермоқда «РИА Новости».

15 ёшли ўқувчи газдан иборат гигант экзосайёрани икки йил аввал - Keele University in England’да амалиёт ўтаётганида кашф қилган эди.

Кейинги кузатувлар натижасида унинг кашфиёти расман тасдиқланди, Ердан бир минг ёруғлик йили масофада жойлашган сайёрага WASP-142b деб ном берилди.

WASP-142b’нинг кашф этилгани ҳақидаги факт Швейцариядаги Женева ва Бельгиядаги Льеж университети астрономлари томонидан тасдиқланди.

WASP-142b – қайноқ юпитер бўлиб, унинг ўлчамлари Қуёш тизимидаги энг йирик сайёра – Юпитерники билан деярли тенг, фақат у ўз юлдузига нисбатан яқин жойлашган.