Италиялик нейрожарроҳ Сержио Канаверо одам бошини кўчириб ўтказиш бўйича тарихдаги илк операцияни америкаликлар пулига ўтказишга умид қилмоқда. Бу ҳақда у 12 июнь куни АҚШда бўлиб ўтган Нейрожарроҳлар ва ортопед жарроҳлар академияси конференциясида айтиб ўтди, деб ёзади «Clarin.com».
«Билл Гейтс каби миллионерлар менинг умидли лойиҳамни қўллаб-қувватласа бўларди», — деди Канаверо нутқ сўзлар экан. У операциянинг молиялаштирилишини Ой юзасига биринчи қўнишни амалга оширган «Апполон-11» кемаси парвозига кўмак берилиши билан қиёслади.
Канаверо ўз ғоялари айнан АҚШда қўллаб-қувватланишига умид билдиришини таъкидлади. «Америкаликлар, сизлардан ўз ҳиссангизни қўшишингизни сўрайман — мен ўзимникини қўшдим, ҳаётимнинг 30 йилини сарфладим», — дея қўшиб қўйди у.
Эслатиб ўтамиз, 8 апрель куни бошни кўчириб ўтказиш бўйича операция учун илк номзод Россиянинг Владимир шаҳрида яшовчи 30 ёшли дастурчи Валерий Спиридонов бўлиши маълум бўлди.
Изоҳ (0)