Ягона интерактив давлат хизматлари порталида ўта фойдали бўлган, узоқ кутилган хизмат ишга тушди. Бу ҳақда порталнинг ўзида маълум қилинган.
Ўзбекистон Республикаси Давлат архитектура ва қурилиш қўмитасининг янги хизмати Тошкент шаҳар архитектура ва қурилиш бош бошқармаси маълумотларига асосан бино бузилиши тўғрисида маълумот олиш имкониятини яратади.
Маълумот олиш учун Ягона порталда махсус электрон ариза тўлдирилади. Ариза юборилгач, тизим фойдаланувчига SMS орқали ариза қабул қилинганлик тўғрисида хабар юборади.
Хизмат натижаси бўлиб бино бузилиши (бузилмаслиги) ҳақидаги тегишли маълумот олиш ҳисобланади. Агар бир иш куни мобайнида фойдаланувчига маълумот бериш имкони бўлмаса, унга рад этиш сабаблари кўрсатилган жавоб хати юборилади.
Ҳозирча хизмат фақат Тошкент шаҳри учун мўлжалланган.
Изоҳ (0)