Ўзбек олимлари пахта тозалаш саноатида фойдаланиш учун иссиқлик генератори моделини яратди. Бу ҳақда Ўзбекистон Интеллектуал мулк агентлиги матбуот хизмати хабар бермоқда.
Иссиқлик генератори таркибидан ўзаро боғланган ва горизонтал марказий ўқ бўйлаб бирин-кетин жойлашган ўтхона камераси, охиригача ёндириш камераси, ёқилғи ва атмосфера ҳавосининг ёниш маҳсулотларини аралаштириш камераси, суюқ ёқилғи ўтказувчи трубопроводга эга бўлган форсунка ва газ горелкаси, ўтхона камерасига ҳаво узатиш канали (канал ўтхона камераси деворининг устки юзаси ва уни ўраб турган кожухдан ҳосил бўлган) жой олган.
Исиган ҳавони горелкага узатувчи трубопровод ҳаво иситиш қобиғининг чиқиш тешигини ҳавони горелкага узатувчи тешик билан улайди. Truбопроводнинг чиқиш тешиги горелка деворига уринма чизиқ бўйлаб жойлашган, горелка ва форсунка эса ўтхона камерасининг ён деворига монтаж қилинган.
«Муаллифлар - Мирҳосил Аъзамов ва Мирсолиҳ Аъзамовга ушбу фойдали модель ихтироси учун № ФAP 01006 рақамли патент берилди», - дейилади агентлик хабарида.
Изоҳ (0)