Ўтган куннинг энг оммабоп хабарлари билан танишинг

iPhone 7 смартфони 27-сентябрдан савдога чиқади

Vodafone’нинг омма мулкига айланган махфий маълумотларида Apple’нинг 27 сентябрдан савдога чиқариладиган қурилмасининг номи қандайлиги кўрсатилмаган. Маълумот учун, жамоатчилик Apple’нинг янги смартфони ё iPhone 6s, ёки iPhone 7 деб номланиши мумкин, деб ҳисобламоқда. Vodafone’нинг ҳужжатларида фақат «янги iPhone» бирикмаси учрайди.

Хонанда Сардор Раҳимхон плагиаторликда айбланди

Сардор Раҳимхоннинг 2014 йил якунларига кўра «Йил қўшиғи» деб топилган «Маликам» таронаси чет эл хонандаларидан «кўчирилган». Хонанда Баҳром Назаров «Пари-пари» қўшиғини арман вокалисти Сильва Хакобяндан, Сардор Раҳимхон эса «Тушларимга киринг, ота» қўшиғини қозоқча таронадан кўчирган.

Forbes дунёнинг энг бой спортчилари рўйхатини эълон қилди

Рўйхатнинг биринчи поғонасини америкалик боксчи Флойд Мейвезер эгаллади. Бир йил ичида Мейвезернинг топган даромади 300 миллион долларни ташкил қилди. Кейинги поғонани 160 миллион доллар билан яна бир боксчи Мэнни Пакьяо эгаллади. Кучли учликни «Реал» футболчиси Криштиану Роналду якунлаб берди.

Америкалик астронавт Миср эҳромларини коинотдан суратга олди

Астронавт томонидан 10 июнь куни Twitter’га чиқарилган сурат бир суткадан камроқ вақт ичида 8 мингдан ортиқ ретвит қилинган. Халқаро космик станцияда деярли  200 кун ўтказган Вёрц 11 июнь куни италиялик Саманта Кристофоретти ва россиялик Антон Шкаплеров билан бирга Ерга қайтади.

Америкалик қиз ўзини 17 йил аввал ёнғиндан қутқарган ўт ўчирувчини битирув оқшомига таклиф қилди

Орадан бир неча йил ўтиб, ўт ўчирувчи ўзи қутқарган чақалоқнинг тақдири билан қизиқди. У Facebook’дан унинг аккаунтини топиб, унга: «Адашмасам, сен жуда кичкина бўлганингда, мен сени ёнғиндан олиб чиққанман», – деб ёзди. Шундан сўнг улар ёзишмаларни давом эттиришди ва Майк қиз учун иккинчи отасидек бўлиб қолди.