11 июнь куни Мадридда испан ёзувчиси Мигель де Сервантесга тегишли деб тахмин этилаётган жасад расман дафн қилинди, дея хабар бермоқда Associated Press. Маросимда шаҳар мэри Ана Ботелья ҳам қатнашди.
Сервантес ва унинг рафиқаси Каталина де Салазарники дея гумон қилинган скелетлар 2015 йил мартида тринитарийлар ордени аёллар монастирида топилган эди.
Сервантес дафн этилган жой дастлаб аниқ бўлган, бироқ 1673 йилда монастир реконструкция қилингач, унинг қабри йўқолиб қолган. Қидирув ишлари бир йилга яқин давом этган.
Иккала скелет ҳам яхши сақланмаган бўлса-да, баъзи белгилар, жумладан Сервантес ҳарбий хизматда олган шикастланишлар олимларга айнан ёзувчи ва унинг хотинига тегишли жасадлар топилганини эълон қилишга туртки берди.
Изоҳ (0)