Apple ишлаб чиқувчилари Android-қурилмалар фойдаланувчиларининг iPhone ва iPad’га ўтишини осонлаштириш йўлини ўйлаб топди, дея хабар бермоқда Engadget.
Бунда iOS операцион тизимининг тўққизинчи версиясида пайдо бўладиган Move to iOS дастури ёрдам беради.
Компания маълумотларига кўра, симсиз алоқадан фойдаланувчи дастур Google платформасидаги гаджетлардан барча ахборотни осонгина кўчириб олиш имконини беради. Бунда гап нафақат контактлар рўйхати ва SMS-хабарлар ҳақида, балки фотосуратлар, видеолар, веб-закладкалар, электрон почта қайдлари ҳақида ҳам бормоқда.
Engadget ёзишича, Move to iOS нормал ишлаши учун у Android-қурилмага ўрнатилиши керак. Бироқ дастур Google Play’да қачон ва қай тариқа пайдо бўлиши номаълум.
Изоҳ (0)