Домодедово аэропорти эгаларига нисбатан 2011 йилги теракт билан боғлиқ жиноят иши қўзғатилди, дея хабар бермоқда Meduza.
Ушбу теракт натижасида жабрланганлар манфаатларини ҳимоя қилаётган адвокат Игорь Tрунов айтишича, жиноят иши «хавфсизлик талабларига жавоб бермайдиган ишни бажариш ёки хизмат кўрсатиш натижасида икки ёки ундан ортиқ кишининг ўлимини келтириб чиқариш» моддаси бўйича қўзғатилган.
«Экспорт Менежмент Компани Лимитед» компанияси собиқ раҳбари Светлана Тришина, «Домодедово Эрпорт Авиэйшен Секьюрити» ЁАЖ собиқ бошқарув директори Андрей Данилов ва аэропорт комплекси собиқ раҳбари Вячеслав Некрасов иш фигурантлари ҳисобланади.
Россия Тергов қўмитаси расмий вакили Домодедово хўжайинларига қарши жиноят иши қўзғатилганини тасдиқлади.
Изоҳ (0)