Мисрлик археологлар мамлакат жанубидаги Асуан шаҳри атрофида Қадимги Мисрнинг сўнгги даври (фиръавнларнинг 26-сулоласи, милоддан аввалги 664-525 йиллар)га оид олти мақбарани топишди. Бу ҳақда «РИА Новости» хабар бермоқда.
Миср қадимги ёдгорликлар ва маданий мерос вазири Мамдуҳ ад-Даматийнинг сўзларига кўра, мақбаралар ичида саркофаг (қадимги тош тобут)лар ва мўмиёланган жасадлар ҳам бор.
Ҳар бир мақбара уч-тўрт ички иншоотдан иборат, уларнинг ҳар бирига тош зиналар орқали тушиб борилади. Тош тобутлар ичидан Қадимги Миср худоларининг ганч ва ёғочдан ясалган ҳайкалчалари ҳам чиққан.
Қадимшуносларнинг фикрича, мазкур топилмалар ўша узоқ давр маданий манзарасини тўлдиришга, хусусан, қурилиш технологиясининг ўзига хосликларини янада кенгроқ очишга ёрдам беради.
Изоҳ (0)