Финландиянинг Котка шаҳрида истиқомат қилувчи фуқаро Eurojackpot лотереясида бош соврин – 23,3 миллион евро миқдоридаги ютуқ жамғармасини ютиб олди. Бу ҳақда Eurointegration.com.ua хабар бермоқда.
Лотерея чиптасини интернет орқали сотиб олган омадли финнинг исми ҳозирча маълум эмас. Қайд этиш жоиз, бу Финландия тарихидаги энг катта иккинчи ютуқдир. Аввалроқ Финландия фуқароларидан бири 29,5 миллион евро ютиб олганди.
Умуман, лотерея тарихидаги энг йирик ютуқни Чехия вакили қўлга киритган – 2015 йил апрелида у 90 миллион евро эгасига айланган эди.
Маълумот учун, Eurojackpot лотереяси Финландия, Голландия, Испания, Италия, Германия, Словения, Дания, Эстония, Норвегия, Швеция, Исландия, Латвия, Литва ва Хорватия каби мамлакатларни қамраб олади.
Изоҳ (0)