Индонезия шарқидаги Папуа вилоятида 7 июнь, якшанба куни Рихтер шкаласи билан 5 магнитудали зилзила юз берди. Korrespondent.net’нинг хабар беришича, цунами юз бериши хавфи йўқ.
Зилзила эпицентри Сарми шаҳридан 45 километр жануби-шарқда, ўчоғи эса Янги Гвинея ороли сатҳидан атиги 10 километр чуқурликда бўлган.
Зилзила натижасида юз берган бўлиши мумкин вайронагарчиликлар ва ҳодиса қурбонлари ҳақида ҳозирча ахборот йўқ.
Маълумот учун, Индонезия «Тинч океани оловли ҳалқаси» (йирик тектоник ёриқ)нинг бир қисми ҳисобланади, шу сабабли ҳам мазкур ҳудудда мунтазам зилзилалар рўй бериши одатий ҳол.
Изоҳ (0)