Индонезиянинг Surabaya News портали танловига кўра, қозоғистонлик волейболчи қиз Сабина Алтинбекова жаҳоннинг энг гўзал спортчи қизлари рўйхатида теннисчи Мария Шараповадан ўзиб кетди. Бу ҳақда Nur.kz хабар бермоқда.
Нашрнинг қайд этишича, «Instagram’да 434 минг ўқувчиси бор Алтинбекова ҳозирги вақтда сайёранинг энг машҳур, шунингдек, энг гўзал спортчи қизидир».
18 ёшли қозоғистонлик қиз 2014 йили волейбол бўйича Тайпейда бўлиб ўтган ўсмирлар ўртасидаги жаҳон чемпионатидан сўнг танилиб кетганди. Маҳаллий журналистлар унинг Осиё анимелари услубидаги гўзаллигидан ҳайратда қолишганди.
Энг гўзал спортчи қизлар рейтингида иккинчи ўринни спорт гимнастикаси билан шуғулланувчи, Лондон-2012 Олимпиадасидан сўнг танилиб кетган Марони Маккайл эгаллаган.
Россиялик таниқли теннисчи, WTA рейтинги бўйича жаҳоннинг иккинчи ракеткаси ҳисобланган Мария Шарапова рўйхатда учинчи бўлиб турибди.
Ундан кейинги ўринларни NASCAR жамоаси автопойгачиси Даника Патрик ва футболчи Лаура Боулау (қуйида) эгаллаган.
Изоҳ (0)