30 май куни Тошкентдаги «Баркамол авлод» болалар марказида «Главная сцена» лойиҳаси ғолиби Сардор Милано билан матбуот анжумани бўлиб ўтди, дея хабар бермоқда «Kultura.uz».
Сардор анжуманда аввало ўзини қўллаб-қувватлаб, у учун қайғурганларга миннатдорлик изҳор этди. «Сизнинг эътиборингиздан бошим кўкка етди, мен учун сизнинг меҳрингиздан кўра яхшироқ нарса йўқ. Бу ижод учун катта туртки».
Сардор 10 йилдан буён Тошкентда яшамайди, бироқ у ҳақда ҳеч қачон унутмайди: «Мен ўзимни ватанпарвар деб ҳисоблайман. Йилда икки марта бу ерга келарканман, Тошкентнинг яхши томонга ўзгараётганини кўраман. Айни шу маданиятни ўзимга сингдирганимдан фахрланаман. Бу шундай маданиятки, унда катталар ҳурмат қилинади, меҳмондўстлик ўзига хос жиҳат ҳисобланади. Ҳали ҳеч қаерда бу ердагидек мазали таомлар емадим, ва доим паловимиз билан мақтанаман».
Анжуманда Сардор, шунингдек бундан буён ижодини Константин Меладзе билан давом эттириши айтиб ўтди. Унинг «Евровидение»да иштирок этиши тўғрисидаги миш-мишларни эса рад этди, бироқ бундай таклиф билдирилса, жон деб қабул қилишини айтди.
Бундан ташқари, хонанда «Милано» тахаллусининг келиб чиқиши, Москвага қандай бориб қолгани ҳақида ҳам сўзлаб берди.
Изоҳ (0)