Ўзбекистонда Sony Xperia E4 ва E4 Dual сотувга чиқди

Ўзбекистонда Sony’нинг бюджет смартфонлари – Xperia E4 ва E4 Dual савдоси бошланди. Бу ҳақда Mobinfo.uz хабар бермоқда.

Қурилмалар 5 дюймли дисплей, частотаси 1,3 гигагерц бўлган 4 ядроли MediaTek MT6582 чипи, 5 мегапикселли асосий ва 2 мегапикселли олд камера, 1 гигабайт оператив ва 8 гигабайт асосий хотирага эга.

Xperia E4’га Android 4.4.4 KitKat операция тизими ўрнатилган. Қурилма батереяси сиғими – 2300 мА/с. Sony вакилларининг маълум қилишларича, смартфон тўлиқ қувватлантирилган ҳолатда икки кун давомида фаол ишлаши мумкин.

Тошкентдаги «Флешка» («Малика») технобозорида Xperia E4 модели 760 минг сўмдан, унинг икки сим-картали версияси – E4 Dual эса 800 минг сўмдан сотилмоқда.