Ўзбекистон Олий Мажлиси Қонунчилик палатаси депутатлари Божхона кодексининг янги таҳрир лойиҳасини муҳокама қилишмоқда. Бу ҳақда «Газета.uz» хабар бермоқда.
Амалдаги Божхона кодекси 1997 йилда қабул қилинган бўлиб, бугунги кун талабларига жавоб бермайди. Бундан ташқари, шу вақтгача 15 марта тузатиш киритилган амалдаги Божхона кодекси талаблари кўп жиҳатдан халқаро амалиётга мос келмайди.
Божхона кодексининг янги таҳририда жисмоний шахслар томонидан товарларни олиб ўтиш тартиби батафсил тартибга солинади. Шу билан бирга, жисмоний шахслар учун «яшил ва қизил йўлак» тизимлари қонун даражасида мустаҳкамланади.
Божхона кодексининг янги таҳририда божхона органлари мансабдор шахслари томонидан қарор қабул қилиш учун белгиланган муддатлар кескин қисқартирилади, товарлар божхона ҳудудига етиб келгунига қадар улар ҳақидаги олдиндан ахборот беришнинг янги механизми жорий этилади.
Божхона назоратининг бешта янги кўринишини – тушунтириш олиш, божхона кўриги, товарларнинг махсус маркалар ёрдамида маркировка қилинганини текшириш, божхона кузатуви ва товарлар чиққанидан сўнг божхона назорати.
Бундан ташқари, кодекснинг янги таҳрири лойиҳасида божхона расмийлаштирувини амалга ошириш вақтида божхона органларига тақдим этиладиган ҳужжатлар сонини ҳам қисқартириш кўзда тутилган.
Изоҳ (0)