Ўзбекистон Республикаси Вазирлар Маҳкамасининг қарори билан Алишер Амиров «Ўзавтойўл» давлат-акциядорлик компанияси бошқаруви раисининг ўринбосари – бош муҳандиси лавозимига тайинланди, дея хабар бермоқда «Газета.uz» компания сайтига таяниб.
Алишер Хуррамович Амиров 1977 йилда Сурхондарё вилояти Бойсун туманида туғилган. 2001 йилдаТошкент автомобиль-йўллар институтини, 2014 йилда эса Ўзбекистон Республикаси Президенти ҳузуридаги Давлат бошқаруви академиясини тугаллаган. Қатор йиллар давомида Ўзбекистон автомобиль ва дарё транспорти агентлиги тизимида меҳнат қилган.
Ҳозирги лавозимга тайинлангунига қадар «Ўзавтойўл» ДАК Автомобиль йўлларидан фойдаланишни транспорт ва механизация ҳамда техник таъминлаш бошқармаси бошлиғи вазифасида ишлаган.
«Ўзавтойўл» давлат-акциядорлик компанияси бошқаруви раисининг ўринбосари – бош муҳандиси компаниядаги автомобиль йўлларини қуриш, таъмирлаш ва эксплуатация қилиш, инвестицион лойиҳаларнинг техник назорати, шунингдек, транспорт, механизация ва техник таъминот соҳаларига раҳбарлик қилади.
Изоҳ (0)