Ўзбекистон ва Жанубий Корея президентлари Сеулда 28 май, пайшанба кунги музокараларда иқтисодий ҳамкорликни кенгайтириш ва ҳамкорликдаги янги йирик лойиҳаларни амалга оширишга келишиб олди, дея хабар бермоқда «Газета.uz» Yonhap агентлигига таяниб.
Ислом Каримов ва Пак Кин Хэ томонидан имзоланган давлат раҳбарларининг биргаликдаги декларациясида Ўзбекистон иқтисодиётига олд технологияларни жорий қилиш ва Жанубий Корея етакчи компанияларининг тўғридан-тўғри инвестицияларини жалб этиш бўйича режалар ҳақида гап боради.
Нефть-газ, нефть-кимё ва автомобилсозлик саноати икки томонлама ҳамкорлик учун асосий соҳалар бўлиб ҳисобланади. Бундан ташқари, қуёш энергетикасини ривожлантириш соҳасидаги ҳамкорлик ва транспорт инфратузилмасини модернизация қилиш лойиҳалари режалаштирилган.
Эслатиб ўтамиз, Ўзбекистон Президенти Ислом Каримов Жанубий Корея президенти Пак Кин Хэнинг таклифига биноан 27 май куни давлат ташрифи билан Жанубий Кореяга келди. Ўзбекистон Президенти давлат ташрифининг асосий тадбирларини, жумладан, Жанубий Корея Президенти ва бошқа раҳбарлари билан расмий музокаралар, етакчи компаниялар раҳбарлари иштирокидаги учрашувларни 28—29 май кунлари ўтказиш мўлжалланган.
Изоҳ (0)