Ўзбекистонлик ФИФА рефериси Равшан Эрматов Осиё Чемпионлар Лигаси 1/8 финал босқич жавоб учрашуви доирасидаги «Гуанчжоу Эвегранд» (Хитой) – «Сеонгнам» (Жанубий Корея) ўйинини бошқаради. Шу мақсадда ҳакам ўз бригадаси билан 25 май куни Хитойга етиб борди, деб хабар қилади «Olamsport.com».
Осиёнинг беш карра энг яхши ҳакамига қанотларда Абдуҳамидулло Расулов ва Жаҳонгир Саидовлар ёрдам беради. Бу икки клубнинг ўтган ҳафта Кореяда ўтказилган илк ўйинида мезбонлар 2:1 ҳисобида зафар қучган эди. «Гуанчжоу Эвегранд» – «Сеонгнам» ўйини 27 май куни ўтказилади.
Эслатиб ўтамиз, Равшан Эрматов ва унинг бригадаси 19 май куни Доҳада бўлиб ўтган ОЧЛ 1/8 финал босқичи доирасидаги «Ас Садд» – «Лаҳвия» ўйинини ҳам бошқарган эди.
Изоҳ (0)