Франция пойтахти Париж шаҳрида теннис бўйича «Катта Дубулға» туркумига кирувчи, йилнинг тўртта йирик турниридан иккинчиси ҳисобланган «Ролан Гаррос» мусобақасининг асосий тўр баҳслари давом этмоқда, деб хабар беради «Olamsport.com».
Мукофот жамғармаси 28 миллион еврони ташкил этувчи Франция Очиқ чемпионатининг асосий тўрида Ўзбекистоннинг биринчи рақамли теннисчиси Денис Истомин илк даврадаёқ мағлубиятга учради.
Австралиялик Ник Киргиосга қарши кечган баҳсда Истомин 3:6, 4:6, 3:6 ҳисобида имкониятни бой бериб қўйди. Ник турнирнинг 29-рақамли теннисчиси сифатида қайд этилган. Истомин эса дунё рейтингида 77-поғонадан жой олган.
Эслатиб ўтамиз, «Ролан Гаррос» турнири ғолиби 1 миллион 800 минг еврога ўз ҳамёнини бойитиб олади. Яккаликда финалга етиб келган теннисчи эса 900 минг еврога эга бўлади.
Изоҳ (0)