Ўзбекистон Республикаси Марказий банки Россия ОАВларида муассаса томонидан жисмоний ва юридик шахслар учун валюта операциялари тўхтатилгани ҳақидаги хабарни рад этди.
Банк матбуот хизмати эълон қилган расмий баёнотда айтилишича, Ўзбекистон Республикаси қонунчилигига мувофиқ, жорий халқаро операциялар ва улар билан боғлиқ хорижий валютани сотиш ёки сотиб олиш жараёни чеклашларсиз амалга оширилмоқда.
«Миллий валютани хорижий валютага конвертация қилиш жараёнлари тижорат банклари томонидан Халқаро валюта жамғармаси Низомининг VIII моддасида белгиланган мажбуриятларга мувофиқ ўрнатилган тартибда амалга оширилмоқда», — дейилади банк расмий баёнотида.
«Айни пайтда расмий айирбошлаш курси Россия телеканалида айтилганидек 1 доллар учун 5000 сўм эмас, 2527 сўмни ташкил этади», — дея таъкидланади хабарда.
Изоҳ (0)