Фарғона вилояти масжидларидаги деворий лавҳалар ва электрон ускуналар ўчириб қўйилаётгани ҳақида хорижий ОАВларда тарқатилган хабарлар асоссиз бўлиб чиқди.
Бу ҳақда, Ўзбекистон мусулмонлари идораси матбуот хизмати хабарига кўра, Марғилон шаҳридаги «Хонақоҳ» жоме масжиди имом-хатиби Убайдулла Абдуллаев маълум қилди.
«Бу иддаоси, уйдирма гаплар билан муаллиф асл воқеликни бузиб талқин этиб, фуқароларимиз орасида хато фикр пайдо қилишга ҳаракат қилгани яққол сезилиб турибди. Аслида эса Фарғона вилоятидаги масжидлар ҳолати ва ундаги шароитлар намозхонларни жуда мамнун этмоқда», - дейди Абдуллаев.
«Ғаламис кимсалар оммавий ахборот воситалари орқали ҳамиша кишилар ўртасига нифоқ солиб, жамиятнинг тинч ҳаётини пароканда қилишга интилади. Fitна эса одамларни қатл қилишдан ҳам ёмон жиноятдир», - дея қўшимча қилади марғилонлик имом-хатиб.
Изоҳ (0)