Туркманистоннинг амалдаги Президенти Гурбангули Бердимуҳаммедовнинг илк ҳайкали мамлакат пойтахтида бугун, 25 май – Ашхобод куни муносабати билан очилди, деб хабар бермоқда «Коммерсант».
Президент туркман миллий кийимида, кишнаётган ахалтекин оти устида ўнг қўлини баланд кўтариб ўтирган ҳолда тасвирланган. Президентнинг ёнида тинчликка интилишни ифодаловчи учаётган кабутар тасвирланган.
Ҳайкал бронзадан ишланган бўлиб, 24 каратли олтин билан қопланган. Ёдгорликнинг умумий баландлиги – 21 метр, мармар қоянинг баландлиги эса 15 метр. У Туркманистон халқ рассоми, ҳайкалтарош Сарагт Бабаев томонидан ишланган.
Изоҳ (0)