Америкалик математик олим, Нобель мукофоти совриндори кичик Жон Форбс Нэш ва унинг рафиқаси Алисия автоҳалокатга учраб, вафот этди, дея хабар бермоқда The Washington Post. Эр-хотин ўтирган такси Нью-Жерсида ЙТҲга учради. Олим 86, рафиқаси 82 ёшда бўлган.
Иқтисодиёт бўйича Нобель мукофотини Нэш 1994 йилда «Нокооператив ўйинлар назариясидаги мувозанат таҳлили» иши учун қўлга киритган эди. 2015 йилда эса Жон Нэш чизиқли бўлмаган дифференциал тенгламалар назариясига қўшган ҳиссаси учун математика бўйича олий мукофот — Абель мукофоти билан тақдирланган эди.
Кенг жамоатчиликка Нэш илмий муваффақиятларидан кўра, «Тафаккур ўйинлари» (A Beautiful Mind) фильми қаҳрамони сифатида кўпроқ танилди. Ушбу фильмда математикни актёр Рассел Кроу гавдалантирган.
Изоҳ (0)