БМТ бош котиби Пан Ги Мун КХДР ҳукумати унинг Кэсон индустриал мажмуасига ташрифига розилик билдирмаганини маълум қилди, деб ёзади ТАСС Yonhap агентлигига таяниб.
«Аввалроқ КХДР ҳукумати дипломатик каналлар орқали бизни менинг Кэсон индустриал мажмуасига ташрифим бўйича ўз фикрларини ўзгартиргани ҳақида хабардор қилган эди», — деди Пан Ги Мун. Унинг аниқлик киритишича, Пхеньян сўнгги дақиқадаги бу ўзгаришга ҳеч қандай изоҳ бермаган.
19 майда Инчхондаги матбуот анжуманида БМТ бош котиби Жанубий Корея билан чегарада жойлашган Кэсон индустриал мажмуасига 21 май куни сафар уюштиришини эълон қилган эди. У ўз ташрифи иқтисодий ва бошқа соҳалардаги алоқаларнинг ривожланишига ижобий туртки беришига умид қилган эди.
Пан Ги Мун шунингдек, у 20 йилдан буён КХДР тупроғига қадам қўйган илк бош котиб бўлиши кераклигини таъкидлаган эди. Мамлакатга ташриф буюрган (1993 йилда) сўнгги бош котиб Бутрос Бутрос Гали бўлган.
Изоҳ (0)