Рим папасига унинг бошини узиб ташлаш ҳақида таҳдид қилишди

Номаълум шахслар телефонда Рим папаси Франциск ва унинг жиянига бошларини танасидан жудо қилиш ҳақида таҳдид этмоқда, деб ёзади «Nur.kz».

Рим папасининг жияни — аргентиналик руҳоний Вальтер Сивори таъкидлашича, у ўзига ва амакиси Францискка қаратилган қасос таҳдидларини олган. Унинг сўзларига кўра, номаълум киши унинг телефонига бир неча марта қўнғироқ қилиб, бошини узиб ташлашини айтган ва «сени бўлмаса, амакингни бошсиз қолдираман», — дея қўшиб қўйган.

Маҳаллий ОАВлар Рим папасига кеча-кундуз полициячилар соқчилик қилаётганини хабар бермоқда. Бундан ташқари, ҳуқуқ-тартибот органлари қўнғироқ қаердан келиб тушгани ва безорининг шахсини аниқлаш учун тергов бошлаган.