АҚШ собиқ президенти Билл Клинтон ва унинг рафиқаси Ҳиллари Клинтон 2014 йил бошидан бери омма олдидаги чиқишларида 25 миллион доллар ишлаб олди. Уларнинг молиявий декларациясида айнан шу рақамлар келтирилган, деб хабар қилади The Washington Post.
Бундан ташқари, Ҳиллари Клинтон июнь ойида чиқарилган «Оғир қарорлар» китоби учун 5 миллион доллар муаллифлик ҳақи олди.
Ҳиллари Клинтон давлат котиби лавозимини тарк этганидан бери унинг чиқишлардаги гонорари 300 минг долларни ташкил қиляпти.
12 апрель куни Ҳиллари Клинтон президентлик сайловларида Демoкратлар партиясидан ўз номзодини қўймоқчилигини маълум қилди. АҚШ президенти Барак Обама унинг «ажойиб президент» бўлишини таъкидлаб ўтди. Ички сайловларда Клинтоннинг рақиби сенатор Бёрни Сандерс бўлиши мумкин.
Изоҳ (0)