Сайёрамизда шундай автомобиллар мавжудки, тезлик бобида самолётлар билан беллаша олади. Улардан баъзилари серияли ишлаб чиқарилган бўлса, бошқалари фақат бир нусхада чиқарилган, айримлари янги модель, яна бирлари эса эски. «Сегодня.ua» шундай автомобиллар ўнлигини тақдим этди.
10. Ariel Atom V8 500
Ушбу автомобилнинг максимал тезлиги 275 км/соат бўлишига қарамай, 100 км/соат тезликка 2,5 сонияда чиқа олади.
9. SSC Tuatara
Юзлик чегарага 2,8 сонияда чиқа оладиган суперкар 431 км/соат тезликкача ҳаракатлана олади. 1369 от кучига эга 6,9 литрли мотор 100 километрга 70 литр ёқилғи сарфлайди.
8. Koenigsegg One:1
440 километр/соат тезликка чиқа оладиган гиперкар 1360 от кучига эга бўлиб, жами 8 нусхада чиқарилган.
7. BugattiVeyron Super Sport World Record Edition
431 километр/соат тезликкача чиқа оладиган Bugatti 2,4 сонияда юзлик маррани забт эта олади.
6. SSC Ultimate Aero XT Edition
100 километр/соат тезликка 2,65 сонияда чиқадиган автомобилнинг максимал тезлиги 439 километр/соат.
5. Orca Engineering SC7
Швейцариянинг ушбу суперкари 400 км/соатгача тезликда ҳаракатлана олади ва 100 км/соат тезликка 2,6 сонияда чиқади.
4. Hennessey Venom GT
2,4−2,5 сонияда юзликни забт этадиган ушбу автомобиль 440 км/соатгача тезликка чиқа олади.
3. Mosler MT900 GTR XX Landshark
Максимал тезлиги 490 км/соат бўлган суперкар 100 км/соат тезликка 2,5 сонияда чиқа олади.
2. Keating TKR
1832 от кучига эга ушбу автомобиль юзликка 1,78 сонияда чиқа олади, максимал тезлиги эса 419 км/соат.
1. Devel Sixteen
5000 от кучига эга 16 цилиндрли мотор 560 км/соатгача тезликда ҳаракатланиш имконини беради. Юзликка эса 1,8 сонияда чиқиш мумкин.
Изоҳ (0)