Sayyoramizda shunday avtomobillar mavjudki, tezlik bobida samolyotlar bilan bellasha oladi. Ulardan ba’zilari seriyali ishlab chiqarilgan bo‘lsa, boshqalari faqat bir nusxada chiqarilgan, ayrimlari yangi model, yana birlari esa eski. “Segodnya.ua” shunday avtomobillar o‘nligini taqdim etdi.
10. Ariel Atom V8 500
Ushbu avtomobilning maksimal tezligi 275 km/soat bo‘lishiga qaramay, 100 km/soat tezlikka 2,5 soniyada chiqa oladi.
9. SSC Tuatara
Yuzlik chegaraga 2,8 soniyada chiqa oladigan superkar 431 km/soat tezlikkacha harakatlana oladi. 1369 ot kuchiga ega 6,9 litrli motor 100 kilometrga 70 litr yoqilg‘i sarflaydi.
8. Koenigsegg One:1
440 kilometr/soat tezlikka chiqa oladigan giperkar 1360 ot kuchiga ega bo‘lib, jami 8 nusxada chiqarilgan.
7. BugattiVeyron Super Sport World Record Edition
431 kilometr/soat tezlikkacha chiqa oladigan Bugatti 2,4 soniyada yuzlik marrani zabt eta oladi.
6. SSC Ultimate Aero XT Edition
100 kilometr/soat tezlikka 2,65 soniyada chiqadigan avtomobilning maksimal tezligi 439 kilometr/soat.
5. Orca Engineering SC7
Shveysariyaning ushbu superkari 400 km/soatgacha tezlikda harakatlana oladi va 100 km/soat tezlikka 2,6 soniyada chiqadi.
4. Hennessey Venom GT
2,4−2,5 soniyada yuzlikni zabt etadigan ushbu avtomobil 440 km/soatgacha tezlikka chiqa oladi.
3. Mosler MT900 GTR XX Landshark
Maksimal tezligi 490 km/soat bo‘lgan superkar 100 km/soat tezlikka 2,5 soniyada chiqa oladi.
2. Keating TKR
1832 ot kuchiga ega ushbu avtomobil yuzlikka 1,78 soniyada chiqa oladi, maksimal tezligi esa 419 km/soat.
1. Devel Sixteen
5000 ot kuchiga ega 16 silindrli motor 560 km/soatgacha tezlikda harakatlanish imkonini beradi. Yuzlikka esa 1,8 soniyada chiqish mumkin.
Izoh (0)