Минскда Донбассдаги вазиятни тартибга солиш бўйича алоқа гуруҳи иштирокчиларининг учрашуви бошланди, дея хабар бермоқда «Ведомости».
6 май куни Беларусь пойтахтига ўзини мустақил деб эълон қилган «Донецк» ва «Луганск халқ республикалари»нинг музокаралардаги вакиллари Денис Пишулин ва Владислав Дейнего, Украинанинг алоқа гуруҳидаги вакили, мамлакат собиқ президенти Леонид Кучма, ЕХҲТ вакили Хайди Талявини ва Россия вакили Азамат Қулмуҳаметов етиб келган.
Шунингдек, «Украинский вибор» жамоатчилик ҳаракати раҳбари, Украина собиқ президенти Леонид Кучма маъмурияти бошлиғи Виктор Медведчук ҳам Минскка келган.
«Лигабезнисинформ»нинг хабар беришича, ўтган бир кун давомида аксилтеррор ҳудудидаги вазият кескинлашган. Порошенко маъмуриятининг аксилтеррор операцияси масалалари бўйича вакили Андрей Лисенконинг сўзларига кўра, камида беш нафар украиналик ҳарбий ҳалок бўлган.
Шунингдек, 12 нафар украиналик ҳарбий яраланган. Bloomberg ўтган бир кунни Украина томони учун апрель ўрталаридан бери кузатилган энг оғир дамлар, деб атади.
Изоҳ (0)