Япониянинг Ҳаконе шаҳри ҳукумати шу ҳудуддаги вулқоннинг фаоллашиб қолгани сабабли Окувадани водийсидаги одамларни эвакуация қилиш ҳақида буйруқ берди. Бу ҳақда Kyodo агентигига таяниб, «Liga.net» хабар беряпти. Буйруқ водийдан 300 метр радиусдаги барча кишиларга тегишли бўлди.
6 май, чоршанба куни тонгда сейсмологлар хавф кўрсаткичини 2-даражагача кўтарди. Автойўллар ва сайёҳлар орасида машҳур бўлган арқон йўлидан юриш тақиқланди.
Окувадани водийсида аҳоли яшайдиган пунктлар йўқ, шунинг учун ҳукуматнинг буйруғи байрам кунларида Ҳаконе манзараларидан баҳраманд бўлишни истаган сайёҳларга тааллуқли.
Вулқон тошлари тушиши хавфи борлиги учун эвакуацияга фармойиш берилган.
26 апрелда Ҳаконе тоғида вулқонли ер силкинишлари частотаси ортганлиги қайд қилинди. Канагава префектурасининг Тадқиқотлар маркази 26 апрелдан 4 майгача деярли 790 та ер силкинишини ҳисоблади. Уларнинг магнитудаси 2,6 баллдан ошмади. Аммо сешанба кунидан бошлаб зилзилалар сезиларли бўла бошлади.
Изоҳ (0)