Украина бўйича низоларга қарамай, Германия канцлери Ангела Меркель Россия президенти Владимир Путин билан Иккинчи жаҳон урушида нацистлар Германияси устидан қозонилган ғалабанинг 70 йиллигини нишонлаш учун 10 май куни Москвага келади, дея хабар бермоқда «Корреспондент.net».
Иккала давлат етакчилари Номаълум Аскар Қабрига гулчамбар қўяди, сўнг тор доирада хизмат юзасидан кечки таомни қабул қилади.
Меркелнинг Москвага сафари якунлари бўйича матбуот анжумани ўтказилиши режалаштирилган. Канцлернинг Россия пойтахтига ташрифи давомида Украина атрофидаги низолар муҳокама қилиниш-қилинмаслигига ойдинлик киритилмаяпти.
Германия ҳукумати расмий вакили таъкидлашича, «Иккинчи жаҳон уруши — Германия томонидан бошланган урушда Россия халқи кўрган азоблар ва улар келтирган катта қурбонликларга эҳтиром кўрсатиш зарурати ва эҳтиёжи туфайли канцлернинг Москвага ташрифи амалга ошади».
Изоҳ (0)