Осиё ва Африка мамлакатлари Фаластин халқининг ўз тақдирини ўзи белгилаш ҳуқуқи, жумладан Фаластин давлатининг суверенитети ва мустақиллигини қайта тиклаш учун олиб бораётган адолатли курашини тўлиқ қўллаб-қувватлашини таъкидлади. Бу ҳақда 23 апрель, пайшанба куни Индонезия пойтахти Жакартада якунланган Осиё-Африка саммитида қабул қилинган Фаластин бўйича Декларацияда айтилади, деб ёзади «РИА Новости».
Ҳар иккала қитъа етакчилари Фаластинда президент ва парламент сайловлари тез орада ўтказилишига умид билдирди, шу билан бирга, фаластинликларнинг ўзлари ярашиши ва бирлашиши зарурлигини таъкидлади ҳамда Исроилнинг 2014 йил июль—августида Ғазо секторида олиб борган ҳарбий операциясини қоралади.
Улар Тель-Авивни «Шарқий Қуддусдаги масъулиятсиз хатти-ҳаракатлари, иғво ва провакацияларига чек қўйишга» чақирди.
Изоҳ (0)