Уэлсда оғир касаллик билан туғилган Тедди Хоулстон атиги 100 дақиқа яшаган бўлса-да, бир инсон ҳаётини сақлаб қолди. Nur.kz’нинг хабар беришича, унинг буйраги Лидсда истиқомат қилувчи беморга кўчириб ўтқазилган.
Маълум бўлишича, боланинг онаси – Жесс Эванс эгизакларга ҳомиладор бўлган, бироқ туғуруққа оз қолганида эгизаклардан бири оғир касаллик билан туғилиши ва тезда вафот этиши маълум бўлган.
Орадан маълум вақт ўтиб боланинг ота-онаси тақдирнинг бу синовга кўниб, Теддининг буйрагини унга мухтож бўлган одамга кўчириб ўтқазишларига рози бўлган.
Кардифф университети госпитали шифокорлари митти Теддининг юраги урушдан тўхтаганидан уч дақиқа ўтиб, буйракни кўчириб ўтқазиш бўйича жуда мураккаб жарроҳлик амалиётини ўтказган.
Тедди қутқариб қолган эркакнинг исми сир сақланмоқда. Онасининг қўлини маҳкам сиқиб олган ва вафот этаётган чақалоқнинг даҳшатли суратлари куни кеча интернет тармоғида тарқалиб кетди, ваҳоланки, бу ҳодиса бир йил аввал содир бўлган.
Журналистлар чақалоқнинг оиласи ва унинг омон қолган акаси – Ноанинг суратларини ҳам чоп этишмоқда. Болакай ўзини яхши ҳис қилмоқда, ота-онаси эса бахтиёр. Чақалоқнинг буйраги ўтказилган эркак ҳам ўзини яхши ҳис қилмоқда.
Изоҳ (0)