Украина президенти Пётр Порошенко Россия президенти Владимир Путинга нисбатан ғаламислик қилмаганини маълум қилди. Бу ҳақда у Франциянинг iTele телеканалига берган интервьюсида айтиб ўтди, дея хабар бермоқда «Сегодня.ua».
«Мен Путинга нисбатан ғаламислик қилмаганман, мен – сиёсий жиҳатдан етарлича масъулият ҳис қиладиган инсонман», - деди Порошенко.
Айни вақтда, унинг қўшимча қилишича, у Россиядан кўра Франция билан қўшни бўлишни маъқул кўрган бўларди. «Биз қўшниларни танлай олмаймиз... Худди Франциядек қўшнимиз бўлишини истардик, бироқ бизга Россия қўшни», - деди Украина президенти.
Порошенконинг қайд этишича, Донбассда тинчлик сулҳига риоя этилмаяпти. «Ўт очишни тўхтатиш тартибига амал қилиняптими? Йўқ, қон тўкилиши давом этмоқда», - деди Порошенко.
Украина президентининг сўзларига кўра, халқаро келишувлар тизими амал қилишдан тўхтаган. Бундан ташқари, Порошенко ўз интервьюсида Украинада мамлакатнинг НАТОга қўшилиши масаласида референдум ўтказилишини ҳам маълум қилди.
Изоҳ (0)