Ислом Каримов Ўзбекистон Президенти лавозимига қайта сайлангани муносабати билан табрик йўллагани учун Алмазбек Атамбаевга миннатдорчилик билдирди. Бу ҳақда Қирғизистон Президенти матбуот хизмати маълум қилди, деб хабар бермоқда «Knews.kg».
«Ўзбекистон Республикаси Президентлигига қайта сайланганим муносабати билан йўллаган қизғин табригингиз ва яхши тилакларингиз учун самимий миннатдорчилик билдираман», — дейилади миннатдорчилик мактубида. Ислом Каримов Алмазбек Атамбаевга мустаҳкам соғлиқ ва муваффақият, Қирғизистон халқига эса тинчлик ва фаровонлик тилаган.
Эслатиб ўтамиз, Қирғизистон Республикаси Президенти Алмазбек Атамбаев Ислом Каримовни Ўзбекистон Республикаси Президенти лавозимига қайта сайлангани билан табриклагани ҳақида 31 март куни хабар берилган эди.
Изоҳ (0)