World Happiness Index: Ўзбекистон МДҲдаги энг бахтли мамлакат

Ўзбекистон 2015 йилда Совет давридан кейинги макондаги энг бахтли мамлакат деб топилди. Бундай хулосага Колумбия университети таҳлилчилари «Барқарор тараққиёт ечимлари тармоғи» халқаро лойиҳаси доирасида келди, дея хабар бермоқда «12news.uz».

2015 йилда аҳолисининг бахтлилик даражаси бўйича дунё мамлакатлари рейтинги (World Happiness Report 2015)да Ўзбекистон аҳолисининг бахтлилик даражаси кўрсаткичи 6,003 баллга тенг бўлди ва умумий рейтингда 44-ўринга лойиқ деб топилди.

Рейтингда Молдова 52, Қозоғистон 54, Литва 56, Беларусь 59, Россия 64, Туркманистон 70, Эстония 73, Қирғизистон 77, Латвия 89, Украина 111, Арманистон 127 ва Грузия 130-ўринларни эгаллади.

2015 йил рейтингида энг бахтли мамлакат Швейцария бўлди. Бахтлилик даражаси бўйича дунёнинг етакчи мамлакатлари ўнлигига шунингдек Исландия, Дания, Норвегия, Канада, Финляндия, Нидерландия, Швеция, Янги Зеландия ва Австралия кирди.