«Одноклассники» ижтимоий тармоғи 17 апрель куни Владивостокда яшовчи фойдаланувчисини, у «Очиқ Россия» («Откритая Россия») ташкилотига тегишли видеороликни ўз профилига жойлаштирганидан сўнг, блоклаб қўйиб, бу видеороликни тарқатишни бошқа фойдаланувчиларга ҳам тақиқлади. Бу ҳақда TJ хабар бермоқда.
Фойдаланувчи Путин иштирокидаги видеони қайтадан юклашга уриниб кўрганида, «Одноклассники» YouTube’дан олинган бу видеони ижтимоий тармоқда улашиб бўлмаслигини билдирган. TJ таҳририяти ушбу ҳолатни текширганида, «Киритилган матнда мумкин бўлмаган сўзлар ёки фикрлар бор» деган билдиришнома чиққан.
«Одноклассники»нинг эгаси ҳисобланган Mail.Ru Group вакилларининг TJ’га маълум қилишларича, бу видеонинг эълон қилинишига нисбатан тақиқ «хатолик маҳсули бўлиши мумкин». TJ’нинг компанияга мурожаатидан сўнг, роликни «Одноклассники»да яна улашиш мумкин бўлган.
«Одноклассники»да тарқатилиши вақтинча чеклаб қўйилган видео «Очиқ Россия» ташкилотининг сайтида 16 апрель куни, Россия президенти Владимир Путиннинг навбатдаги бевосита мулоқоти арафасида эълон қилинган эди. Унда Путиннинг 2002 йилдан бери ташкил этилган бевосита мулоқотларида берган ва бажарилмаган ваъдалари ҳақида сўз боради.
Изоҳ (0)