Энди Google йўқолган ва ўғирланган телефонларни ҳам қидириб топадиган бўлди, дея хабар бермоқда «Afisha.uz». Ҳозирча бу фақат Android телефонлар учун ишлайди.
Агар телефонингиз ўғирланса ёки уни шунчаки топа олмаётган бўлсангиз, стол компьютерида Google қидирув тизимига find my phone жумласини теринг. Бу иш бериши учун телефонга Google дастурининг сўнгги версияси ўрнатилган бўлиши керак.
Google бош саҳифасида find my phone сўровини бергач, ҳақиқатан ҳам телефон эгаси эканлигингизни тасдиқлаш учун тизимга қайтадан кириш зарур, шунда харитада қурилманинг тахминий жойини кўриш мумкин бўлади.
Агар у қаердадир йўқолиб қолган бўлса, қидирув саҳифаси орқали смартфонга овозли сигнал юбориш мумкин, у беш дақиқа давомида максимал баландликда янграб туради. Шунингдек янги функция ёрдамида телефонни блоклаш ёки смартфондаги маълумотларни ўчириш мумкин.
Изоҳ (0)