Машҳур «Омадли бола» мемидаги болакай улғайди ва энди отасининг даволаниши учун пул йиғмоқда. Бу ҳақда Meduza.ио хабар берди.
Боланинг отаси – Жастин Гринерни қўллаб-қувватлаш ҳақида Daily Dot, Buzzfedd ва ABC News каби оммавий нашрлар ёзди, бу эса пул тўплашга катта ёрдам берди.
2006 йили Жастин Гринерга буйрак хасталиги ташхисини қўйишган, орадан уч йил ўтиб унинг буйраклари ишламай қолган: шундан бери у организмни тозалаш учун буйракни диализ қилиш амалиётини ўтаб келади. Сўнгги вақтларда Гринер бунинг учун ҳафтасига 12 соатгача вақт ажратишга мажбур бўлмоқда.
Унинг турмуш ўртоғи Лейни Гринер буйракни кўчириб ўтказишга пул тўплаш учун кампания бошлаган. Унинг тан олишича, дастлаб у фарзандининг машҳурлигидан фойдаланмоқчи бўлмаган, бироқ кейинроқ бу нарса пул тўплашга ёрдам беришини тушуниб етган.
Ушбу хабар ёзилаётган вақтда зарур 75 минг доллар маблағнинг 30 минг доллари тўплаб бўлинганди.
Мемга айланиб кетган фотосурат эса 2009 йил августида олинган – ўша вақтда Семми эндигина 11 ойлик бўлганди.
Изоҳ (0)